Ötən gecə Çempionlar Liqasının yarımfinalının cavab oyunu çərçivəsində “Barselona”nın futbolçusu İniqo Martinezlə “İnter”in futbolçusu Françesko Açerbi arasında münaqişə yaranıb.
“Qafqazinfo” “Daily Mail” nəşrinə istinadən xəbər verir ki, İtaliya klubu 2:0 hesabı ilə öndə olarkən Açerbi rəqib oyunçu İniqoya qışqırıb. Kataloniyalıları üzvü isə cavabında təcrüəli müdafiəçiyə tüpürüb.
Oyundan sonra İniqo Martinez rəqibinin kürəyinə tüpürdüyünü təsdiqləyib: “O, hesab 2:0 olanda bayram edirdi, düz qulağıma qışqırdı. Bu mənim üçün lazımsız reaksiya idi. Tüpürdüm, amma tüpürcək onun bir metrliyindən keçdi. Əgər belə olmasaydı, hakim məni meydandan qovardı”.
Qeyd edək ki, “İnter” bu görüşdə 4:3 hesablı qələbə qazanaraq finala çıxıb.
Mənbə: qafqazinfo.az
scorpion.az