“Barselona” argentinalı hücumçu Xulian Alvares üçün alternativ tapıb.
Onun “Atletiko Madrid”dən transferi Madrid klubunun mövqeyi səbəbindən çətinləşir.
“Sport.es”in məlumatına görə, “İnter”in hücumçusu Lautaro Martines “Barselona” üçün mümkün “B Planı” kimi diqqət mərkəzindədir və əgər yaxın günlərdə Alvareslə bağlı heç bir irəliləyiş olmazsa, bu variantı nəzərdən keçirəcək.
Mənbənin sözlərinə görə, “Barselona” üçün problem Lautaronun transferinin də çətin olmasıdır. Oyunçunun “İnter”lə 2029-cu ilin iyun ayına qədər müqaviləsi var. Ötən ilin may ayında oyunçunun özü açıq şəkildə transferi rədd etmişdi və “İnter”in prezidenti Cüzeppe Marotta “Barselona” ilə hər hansı danışıqların aparıldığını qəti şəkildə təkzib etmişdi.
Mediada yayılan məlumatlara görə, “İnter” Martinesi təxminən 120 milyon avroya satmağa hazırdır.
Mənbə: publika.az
scorpion.az