Polşanın xarici işlər naziri Radoslav Sikorski diqqət çəkən açıqlamalar verib.
O, Rusiyanın Avropaya müharibə elan etdiyini deyib. Onun fikirlərini "Kathimerini" dərc edib.
"Özünüzü aldatmayın, Rusiya artıq bizə müharibə elan edib. Sadəcə olaraq onlar tanklardan istifadə etmirlər",- Sikorski deyib.
Söhbət Avropada cəmiyyətlərin dezinformasiya yolu ilə parçalanmasından gedir. Siyasətçi son zamanlar Polşa ilə Ukrayna arasında yaranan ciddi narazılıq və konflikti nümunə kimi göstərib. Polşa xarici işlər nazirinin sözlərinə görə, Rusiya NATO-nun "cəbhə xətti" saydığı dövlətlərə qarşı hibrid müharibə aparır və bu, artıq gizli təhlükə və təhdid sayılmır. Hər şey göz önündədir.
Müəllif: Tural
Mənbə: publika.az
scorpion.az