68 yaşlı dünya şöhrətli müğənni Madonna yeni fotosessiyasından görüntüləri izləyiciləri ilə bölüşüb.
Xarici mediaya istinadən xəbər verilir ki, sənətçi “Vogue Italia” və “Interview Magazine” üçün çəkilən fotolarda fərqli və cəsarətli obrazlarda kamera qarşısına keçib.
Müğənni paylaşımına “Məni gözlərinlə deyil, yaddaşınla çək” sözlərini əlavə edib. Fotolar sosial şəbəkə istifadəçiləri arasında geniş müzakirələrə səbəb olub. Bəzi izləyicilər Madonnanın görünüşünü və dəyişmək bacarığını yüksək qiymətləndiriblər. Digərləri isə müğənninin xarici görünüşünün xeyli dəyişdiyini bildiriblər.
Qeyd edək ki, Madonna iyul ayında “Confessions II” adlı yeni albomunu təqdim edib. Onun fotoların altında yazdığı ifadə də alboma daxil edilən “School” mahnısından götürülüb.
Mənbə: lent.az
scorpion.az