İndoneziya hakimiyyət orqanları iyulun 1-dən dizel yanacağının idxalını dayandırmağı və onu yarısı palma yağından ibarət yanacaqla əvəz etməyi planlaşdırır.
Bu barədə ölkənin kənd təsərrüfatı naziri Andi Amran Süleyman bildirib.
“Biz artıq dizel yanacağı idxal etməyəcəyik. 2026-cı il iyulun 1-dən etibarən dizelin idxalını dayandıracağıq. Bioyanacaqdan istifadə etməyə başlayacağıq. Bu, İndoneziya üçün gələcəyin enerjisidir, çünki palma yağından istehsal olunur”, – deyə nazir qeyd edib.
Rəsminin sözlərinə görə, hakimiyyət bu addımı ölkənin enerji müstəqilliyini gücləndirmək məqsədilə atır. Nazir qeyd edib ki, palma yağı vasitəsilə yalnız dizelə alternativ deyil, həm də benzin və etil spirti istehsal etmək mümkündür.
Mənbə: bizim.media
scorpion.az