“Barselona”nın baş məşqçisi Hans Diter Flik “Real”ın yarımmüdafiəçisi Arda Gülerin İspaniya La Liqasının 9-cu turunda “Sevilya” ilə oyunda (4:1) iştirak etdiyi mübahisəli epizod barədə danışıb.
Qarşılaşmanın 25-ci dəqiqəsində türkiyəli futbolçu meydanın mərkəzində rəqib yarımmüdafiəçisi Pekenin üzünə əl atıb.
VAR epizodu yoxlasa da, qayda pozuntusu qeydə almayıb.
Flik bu hadisə ilə bağlı suala qısa cavab verib: “Bu, mənim işim deyil”, - deyə o, “AS” nəşrinə bildirib.
Qeyd edək ki, 9 turdan sonra 27 xalı olan “Barselona” turnir cədvəlinə başçılıq edir. 21 xalla “Real” üçüncü, 14 xalı olan “Sevilya” isə altıncı pillədə qərarlaşıb.
Mənbə: bizim.media
scorpion.az