"Real Madrid"in baş məşqçisi Joze Mourinyo Türkiyənin milli futbolçusu Arda Gülerin rəqibinə dirsək atdığı iddialarına münasibət bildirib.
Matçdan sonra keçirilən mətbuat konfransında danışan portuqaliyalı mütəxəssis Arda ilə şəxsən danışdığını və futbolçunun rəqibinə dirsək vurmadığını qeyd edib:
"Arda Güler mənə dirsək atmadığını söylədi. Əgər kimsə növbəti mətbuat konfransına qədər Ardanın dirsək atdığına dair sübut (görüntü) göstərsə, onda bunun qırmızı vərəqə olduğunu deyərəm. Heç bir problem yoxdur", — deyə Mourinyo bildirib. O, həmçinin görüntülərə əsasən qərarını dəyişə biləcəyini də istisna etməyib.
"Real Madrid"in "Sevilya"nı 4:1 hesabı ilə məğlub etdiyi matçdan sonra rəqib komandanın baş məşqçisi Luis Qarsiya və futbolçusu Xuan İqlesias hakim qərarlarına kəskin etiraz ediblər.
"Sevilya" düşərgəsi epizodun qırmızı kartla nəticələnməli olduğunu iddia edib.
Qeyd edək ki, Arda Gülerin "Real Madrid"i hesabda irəli çıxaran qolundan dəqiqələr əvvəl onunla Peque arasında yaşanan epizod VAR tərəfindən 2 dəqiqə 20 saniyə ərzində incələnib.
VAR-ın məlumatına görə, hakim Busquets Ferrer sahədəki oyunçuların görüntünü bağlaması səbəbindən epizodu təsdiqləyəcək əlverişli kamera bucağının olmadığını bildirib. Buna görə də yoxlama hər hansı qərarla deyil, kifayət qədər görüntünün olmaması təsbiti ilə başa çatıb.
Mənbə: bizim.media
scorpion.az