Sentyabrın 10-da Peru və Ekvador sərhədində 5,3 maqnitudalı güclü zəlzələ baş verib.
Cənubi Amerikada baş verən seysmik hadisə barədə Avropa-Aralıq dənizi Seysmoloji Mərkəzi (EMSC) məlumat yayıb.
Yeraltı təkanlar yerli vaxtla saat 01:42-də (Bakı vaxtı ilə 10:42) qeydə alınıb. Zəlzələnin episentri əhalisi təxminən 15 min nəfər olan Ekvadorun Yantzaza şəhərindən 140 kilometr şərqdə yerləşib. Zəlzələnin ocağı 10 kilometr dərinlikdə olub.
Bundan əvvəl, sentyabrın 9-da Argentinanın Salta əyalətində də güclü zəlzələ baş verib. Seysmoloqlar onun maqnitudasını 5,0 qiymətləndiriblər.
Mənbə: az.trend.az
scorpion.az