İyulun 3-də Azərbaycan Prezidenti İlham Əliyev, Özbəkistan Prezidenti Şavkat Mirziyoyev, Qırğız Prezidenti Sadır Japarov, Şimali Kipr Türk Cümhuriyyətinin Prezidenti Ersin Tatar və İqtisadi Əməkdaşlıq Təşkilatının (ECO) Xankəndi şəhərində keçiriləcək 17-ci Zirvə görüşünün iştirakçıları Ağdamdakı “İmarət” Tarix-Memarlıq Muzey Kompleksində Qarabağ atlarının “Zəfər” şousunu izləyiblər.
“Qafqazinfo” xəbər verir ki, “Zəfər” şousunda hərbi orkestrın ifasında milli musiqi nümunələrimiz səsləndirilib.
“Sərhədçi” rəqs ansamblının rəqsləri və DSX-nın süvarilər dəstəsinin Qarabağ atları üzərində nümayiş etdirdiyi igidilik və cəsarət nümunələri maraqla qarşılanıb:
Mənbə: qafqazinfo.az
scorpion.az