ABŞ Prezidenti Donald Trampın Truth Social sosial şəbəkəsindəki paylaşımlarına daha sürətli çıxış imkanı verən yeni xidmətin aylıq qiyməti 100 min dollar olacaq.
Bu barədə informasiyanı AP agentliyi yayıb.
Məlumata görə, Truth API adlı xidmət iri treyderlərə və investisiya fondlarına Trampın paylaşımlarını digər istifadəçilərdən daha tez əldə etməyə imkan verəcək. Bu isə onların ticarət alqoritmlərinin səhm, neft və valyuta bazarlarındakı dəyişikliklərə daha operativ reaksiya verməsini təmin edəcək.
Yeni təşəbbüs ABŞ-da ciddi tənqidlərə səbəb olub. Senator Elizabet Uorren bu addımı "açıq korrupsiya" adlandırıb.
AP qeyd edir ki, xidmət prezident vəzifəsindən şəxsi kommersiya maraqları üçün istifadə edilməsi və mümkün maraqlar toqquşması ilə bağlı müzakirələri yenidən gündəmə gətirib.
Mənbə: bizim.media
scorpion.az