“Paris Sen-Jermen”in baş məşqçisi Luis Enrike klubla müqaviləsini 2030-cu ilə qədər uzadıb.
“Qafqazinfo” xəbər verir ki, 56 yaşlı ispaniyalı mütəxəssis 2023-cü ilin iyulundan PSJ-yə rəhbərlik edir.
Onun rəhbərliyi altında komanda ardıcıl iki dəfə UEFA Çempionlar Liqasının qalibi olub və üç dəfə Liqa 1 çempionluğu qazanıb.
Enrikenin əvvəlki müqaviləsinin müddəti bu mövsümün sonunda başa çatmalı idi. Yeni müqavilənin uzadılması barədə məlumat klub tərəfindən cümə axşamı “Monako” ilə ev oyunundan əvvəl açıqlanıb.
PSJ-də bir sıra futbolçuların da müqavilələri yenilənib. Joao Neves, Vilyan Paço, Lukas Beraldo və Sənni Mayulu ilə yeni müqavilələr 2031-ci ilə qədər nəzərdə tutulub.
Fabian Ruis isə klubla müqaviləsini 2028-ci ilə qədər uzadıb.
Mənbə: qafqazinfo.az
scorpion.az