Məlum olduğu kimi, bu gün 2001-ci il sentyabrın 11-də ABŞ-də törədilən terror aktlarından 25 il ötür.
Nyu-Yorkda həmin terror hadisələrinin qurbanlarının xatirəsi qeyri-adi formada anılıb.
Belə ki, Nyu-York körfəzi üzərində havaya qaldırılan 2977 dron Ümumdünya Ticarət Mərkəzinin 110 mərtəbəli “Əkiz Qüllələr”inin konturlarını canlandırıb.
Dronların sayı faciə qurbanlarının sayına uyğun seçilib.
Xatırladaq ki, 11 sentyabr 2001-ci ildə “Əl-Qaidə” terror qruplaşmasının üzvü olan 19 terrorçunun ələ keçirdiyi 4 sərnişin təyyarəsindən ikisi Nyu-Yorkdakı Ümumdünya Ticarət Mərkəzinin “Əkiz Qüllələr”inə, biri Pentaqona çırpılıb, dördüncü təyyarə isə Pensilvaniyada qəzaya uğrayıb. Hücumlar nəticəsində terrorçular istisna olmaqla, ümumilikdə 2977 nəfər həyatını itirib.
Mənbə: qafqazinfo.az
scorpion.az