Ali təhsil diplomu hər zaman yüksək gəlirli işə zəmanət vermədiyi kimi, diplomun olmaması da uğurlu karyera qurmağa mane olmaya bilər.
Bəs Azərbaycanda ali təhsil diplomu olmadan hansı sahələrdə yüksək gəlir əldə etmək mümkündür? İşəgötürənlər daha çox hansı bacarıqlara üstünlük verirlər və diplomu olmayan şəxslər əmək bazarında rəqabət aparmaq üçün nələrə diqqət etməlidirlər?
Mövzu ilə bağlı Demokrat.az-a açıqlamasında iqtisadçı Günay Hüseynova şəxsin gəlir qazanmasının onun bacarığından asılı olduğunu bildirib.
Diplomsuz yüksək gəlir gətirən peşələr açıqlandı
Onun sözlərinə görə, yəni onun bacarığı,iş qabiliyyəti yoxdursa diplomu olması belə kifayət etmir:
"Diplomsuz yüksək gəlirli işlərdən danışarkən məsələ yalnız ali təhsilin olub-olmaması ilə məhdudlaşmır. Yəni diplomsuz yüksək gəlir üçün də şəxsin ya fitri istedadı olmalı ya da kurslarda müəyyən sahə üzrə təlim almapı, sertifikatı olmalıdır. Məsələn son illərdə ən çox tələb olunan sahələrdən biri də elektron ticarətin inkişafı ilə əlaqədar olaraq SMM olacaq. Artıq ənənəvi ticarətdən fərqli olaraq onlayn ticarətə daha çoxaraq göstərir insanlar onun üçün də bu sahə də inkişaf edir. İkincisi bu sahə ilə əlaqədar olaraq təqdimatçı şəxslərə də tələb var. SMM təkcə ənənəvi ticarət deyil media sahəsində də tələb olunan sahədir.
Digər bir sahə isə avtomobil təmiri,ehtiyat hissələrinin satışı sahəsi ilə əlaqədardır.
Avtomobil insanların həyatının bir hissəsinə çevrilib. insanın sağlamlıq problemi olduqda necə həssas yanaşırsa , avtomobil sahibləri üçün də situasiya demək olar eyni olur.
Digər bir sahə isə zəhmətsiz kənd təsərrüfatıdır. Qəribə səslənsə də iş prinsipi budur. Yəni əziyyəti, toplanması hazırlanması yığımını başqaları edir. Şəxs isə sadəcə sosial şəbəkə vasitəsi ilə təqdim edirb satış icra edir. Təbii məhsullara , xüsusi ilə də kənd məhsullarına hər zaman tələb var. Digər bir sahə isə kosmetologiya ilə əlaqədardır.Bu sahə də diplomsuz olsa da, sahə ilə məşğul olan şəxs müəyyən kurs keçir. Botoks, dolğu ,üzə müxtəlif prosedurlar günün tələbi hesab olunur. Diplomsuz yüksək gəlirli işlərdən danışarkən məsələ yalnız ali təhsilin olub-olmaması ilə məhdudlaşmır".
Mənbə: www.bakupost.az
scorpion.az